Në Loznicë të Serbisë është vrarë një polic e një tjetër është plagosur rëndë rreth orës 00:55 të së enjtes.
Ministria e Brendshme e Serbisë ka thënë se në vendngjarje është gjetur një pasaportë e të dyshuarit, e lëshuar nga autoritetet e Kosovës, me emrin e Artan Hajrizi– i lindur më 1991 – dhe një dokument tjetër gjerman identifikimi.
Sipas mediave serbe, Faton Hajrizi ka vrarë policin Nikolla Krsmanoviq dhe ka plagosur Vjekoslav I. në shpatull.
“Kujtojmë se rreth orës 01:00 të mëngjesit të sotëm policët kufitarë serbë kanë ndaluar një automjet në të cilin ndodheshin shtetas të huaj. Gjatë kontrollit të automjetit, Faton Hajrizi ka vrarë policin Nikolla Krsmanoviq dhe ka plagosur Vjekoslav I. në shpatull,” raportojnë mediat serbe.
Ku, sipas tyre, më pas ai ka ikur, por në vendin e vrasjes i kanë mbetur dokumentet, prej të cilave është identifikuar.