35 deputet nga opozita, rrespektivisht, VMRO-DPMNE kanë vendosur të kërkojnë të drejtën e fjalës për të diskutuar lidhur me ligjin që është në seancë plenare e që ka të bëjë me Korridorin 8-10D.
Duke parë e analizuar rethanat dhe momentin politik, shihet qartë se VMRO-DPMNE-ja dhe deputetët e sajë dalin në foltore vetëm për të vonuar miratimin e ligjeve që kanë të bëjnë me ndërtimin e korridoreve 8-10D, raporton indeks.mk
E më interesant, është urdhëri që deputetët e VMRO-së që ishin prezent në seancë plenare u urdhëruan nga koordinatori i tyre të mos i shfrytëzojnë telefonat gjatë seancës sepse janë nën vrojtim të kamerave. Ky urdhër vjen pasi shpesh herë deputetët e opozitares janë kapur po nga kamerat duke u “argëtuar” ose luajtur lojra të ndryshme në telefonat e tyre po gjatë seancave të rëndësishme plenare në Kuvend.
Kujtojmë, sot në seancë plenare para deputetëve, për votim është ligji për “marrëdhënie pune” të cilin Qeveria e dorëzoi në Kuvend me flamur evropian e të cilin e kaloi edhe Komisioni për Çështje Evropiane, (KÇE) në të cilin sot po diskutohet për ligjin për “planifikim urbanistik”, i cili poashtu bën pjesë në pakon e ligjeve të cilat Qeveria i ka dorëzuar për ndryshim në Kuvend.
Edhe në KÇE janë deputetët e VMRO-së që nëpërmes fjalimeve procedurale të gjata, replikave e kundër-replikave po tentojnë të vonojnë sa më shumë ligjet për investimin e rëndësishëm strategjik dhe më të madhë në historinë e vendit, sipas Qeverisë.
Ndryshe, në seancën e KÇE-së, sot prezent ishte edhe zv.ministri i Transportit, Bekim Rexhepi i cili në një replikë të shkurtër kundër deputetit të VMRO-së tha se të gjitha ato që thuhen nga ana e deputetëve të VMRO-së janë të pavërteta./indeks.mk/.download (1)