Dy shoqe nga Kosova, me banim në Zvicër, Florjana dhe Rita u bënë gati të shpërthenin me labelin e tyre të modës në këtë industri.
Por këngëtarja e famshme botërore ka kërcënuar me pady dy kosovaret duke frenuar paksa futjen e tyre fuqishëm në treg.
Labeli i modës së Ritës dhe Florjanës mbanë emrin “Riana”, gjë e cila e ka penguar yllin botëror të muzikës.
Një ekip avokatësh të këngëtares kanë kërcënuar me padi ngase emri i biznesit është thuajse i ngjashëm me atë të Rihannës.
“Ne jemi një kompani e re dhe thjesht donim të fillonim me shkronjat e para të emrave tonë. Biznesin e regjistruam në Zyrich dhe emri i Rihannës nuk asocionte asgjë me punën tonë. Ishte fundi i botës për ne kur avokatët e Rihannës na kërcënuan ne. Rihanna është shumë e madhe dhe ne nuk e kemi në plan të futemi në procesi gjyqësore me të. Ne kemi tani një emër tjetër” kanë thënë dy kosovaret për mediat zvicërane.