Një tjetër foto e postuar me “flakën” e tij të re ka krijuar pa fund polemika të “urrejtësve socialë”. Historia e dashurisë mes Gerard Piquè dhe Clara Chia Marti po lulëzon, por fansat e Shakirës, e cila së fundi ka publikuar një tjetër këngë, janë shumë larg faljes së tradhtisë së ish-futbollistit të Barcelonës karshi yllit të pop-it.
Në fakt, Piquè ka postuar një foto në Instagram, e dyta që kur ai dhe Clara Chia Marti janë bashkë, duke ndezur furtunën në rrjetet sociale. Shumë ndjekës virtualë jo vetëm filluan ta vërshonin postimin me mesazhe e komente, por u kthyen në vitin 2021 për të komentuar foton e vetme që ish-futbollisti ka me këngëtaren.
Arsyeja? Ta bëjnë Shakirën të ndiejë gjithë mbështetjen dhe afërsinë e tyre. Ashtu siç i ka ndodhur në të kaluarën ish-futbollistit spanjoll, kritikat vërshuan mbi të.
“Bëra atë që doja. Vazhdoj të bëj atë që dua. Ditën që të vdes, do të shikoj prapa dhe shpresoj të kem bërë gjithmonë atë që kam dashur. Dua të jem i vërtetë me veten”, – ishin fjalët e Pique në një intervistë të disa javë më parë, të cilat i ka ripostuar në Instagram.
Një përgjigje indirekte për këdo që nuk e mirëkupton ndarjen e tij me Shakirën pas dy dekadash dhe me dy djem të sjellë në jetë, Milan dhe Sasha, të cilët tashmë jetojnë në Miami të SHBA me mamanë e tyre.