Kryeministri i Kosovës, Albin Kurti ka shtyrë pjesëmarrjen Forumin e Bratisllavës.
Zëdhënësi i Qeverisë, Përparim Kryeziu për portalin rtv21.tv tha se një gjë e tillë ka ndodhur për shkak të situatës në vend.
„Ka qenë e planifikuar që të shkojë. Por, për shkak të zhvillimeve në vend është shtyrë pjesëmarrja. Nuk është definitve ende nëse do të marrë pjesë ose jo.”, tha Kryeziu.
Forumi i Bratislavës 2023 i GLOBSEC është një forum për politikën e jashtme, sigurinë, çështjet europiane dhe ekonominë që mbledh liderë nga vende të ndryshme. Këtë vit, sipas agjendës së publikuar nga ky forum, Kurti do të merrte pjesë sot si folës në një panel me Milo Gjukanoviq, ish-president i Malit të Zi, Kiril Petkov, ish-kryeministër i Republikës së Bullgarisë, si dhe me emisarin europian Miroslav Lajçak./21Media