Kryetari i Aleancës për Ardhmërinë e Kosovës (AAK) Ramush Haradinaj, ka shprehur mirënjohjen ndaj politikanëve të shteteve mike të Kosovës të cilët i janë drejtuar me letër mbështetëse ndaj Kosovës, liderëve në BE, Uashington dhe Britani të Madhe.
Ai shtoi se ky akt është vulë se Kosova është euro-atlantike.
“Falënderim i veçantë për ligjvënësit e Komiteteve të Punëve të Jashtme nga shtetet mike të Kosovës për letrën e dërguar zyrtarëve të lartë të Bashkimit Evropian, Brit dhe Washingtonit në mbështetje të Kosovës”, ka thënë ai.
Tutje, sipas tij, arritjet e deritanishme si shtet i kemi falë ndihmës dhe bashkërendimit me aleatët tanë, me ShBA-të në veçanti.
“Ky akt është vulë e asaj se Kosova është euro-atlantike dhe se ky përkushtim do të jetë i përhershëm”, ka thënë në fund Haradinaj.844603407031009