Zëvendëskryeministri i parë, Artan Grubi në eventin e Klubit për Debat Politik me temë “Maqedonia e Veriut – sot dhe nesër”, deklaroi se të drejtat e shqiptarëve në Maqedoni janë të siguruara dhe mbrojtura më Marrëveshjen e Ohrit dhe largimi i 20 përqindëshit pothuajse nuk ndryshon asgjë.
“Jam politikan atipik, mendoj se puna e 20 përqindëshit nuk ndryshon asgjë, sepse ligji i referohet me “gjuhë shqipëe”. Unë nuk jam për kusuritje, nuk jam për shfrytëzim të situatës. Unë jam për lehtësim të situatës, synim e kemi integrimin në BE, sepse të drejtat tona sigurohen dhe respektohen nga Marrëveshja e Ohrit. Shqiptarët në këtë pikë përkrahin ndryshimet kushtetuese që kërkon komuniteti bullgar dhe nuk I japim hapësirë që VMRO ose Levica të krijojnë tema të reja. Ne përkrahim politikën e BE-së dhe Washingtonit”, deklaroi Grubi.