Zëvendëskryeministri i parë, Artan Grubi I ftuar në emisionin “Rubikon” me Adriatik Kelmendin në Klan Kosova u shpreh se ngjarjet në Veriun e Kosovës sikur zbehën veprimtarinë e nismës Ballkani i Hapur.
Ai tha se ngjarjet e fundit nuk është dashur të ndodhin.
“Ngjarjet në Veriun e Mitrovicës sikur zbehën entuziazmin e nismës “Ballkani i Hapur”, e them këtë sepse veprimet e Vuçiqit i dënuam si ne poashtu dhe z.Edi Rama, Pra, unë them se në këtë situatë nuk ka më motiv për ndërmarrjen e ndonjë nisme tjetër në kuadër të asaj ngjarje. Serbia e ka humbur Kosovën dhe këtë e dinë ata shumë mirë, vetëm se janë duke kërkuar një model të përshtatshëm për pranimin e këtij fakti. Ne dhe Edi Rama kemi të njejtin qëndrim, sepse veprimet e fundit me policët e Kosovës nuk duhej të ndodhte”, u shpreh Grubi