DIALOGU NË NIVEL TË KRYENEGOCIATORËVE DO TË VAZHDOJË TË HËNËN NË BRUKSEL
Për hapat e mëtejmë të dialogut ndërmjet Prishtinës dhe Beogradit ka diskutuar i dërguari i BE-së Miroslav Lajcak me kryeministrin Albin Kurti.
Ai ka thënë se ka pajtueshmëri për hapat që do të merren më tutje ndërsa ka paralajmëruar takimin e radhës që do të mbahet të hënën në Bruksel në nivel kryenegociatorësh.
“Është shumë e rëndësishme që ne të kemi qartësi se si të kemi një marrëveshje, ne kemi aneksin, kështu që duhet të kemi një kuptim të qartë të hapit 1, 2 dhe 3. Ky ishte qëllimi që kishim siç thashë një diskutim shumë intensiv por shumë i rëndësishëm dhe i dobishëm me kryeministrin” – tha Lajçak.
Lajcak është pyetur edhe për modelin kroat të Asociacionit të Komunave me Shumicë serbe.
“Për BE-në e pranueshme është ajo që është e bazuar në normat dhe vlerat e BE-së, dhe që është në pajtim me modelet ekzistuese evropiane” – tha Lajçak.
Lajcak po viziton edhe Mitrovicën ndërsa të premten do të qëndron në Beograd.
Përgatiti: Blerta Dalloshi Berisha