Edhe pse ka spekulime, Thiago Silva nuk ka treguar nëse mund të largohet nga Chelsea në verë dhe të kthehet në skuadrën braziliane Fluminense ku edhe e nisi karrierën. “Kjo marrëdhënie ka vazhduar për një kohë të gjatë, apo jo. Por unë preferoj të hesht në këtë moment, pasi tashmë ka pasur disa polemika në të kaluarën e afërt”, tha ai.
“Tani kam një familje, kam fëmijë. Kështu që duhet të mendojmë edhe për këtë aspekt. Duhet të shohim se ku gjërat mund të na sjellin lumturi, për të përfunduar këtë karrierë të bukur dhe të suksesshme që besoj se e kam arritur”. Marrëveshja aktuale e Silvës zgjat deri në fund të sezonit, raporton Goal.com, transmeton Klankosova.
Megjithatë, ai mbetet një lojtar kyç për Mauricio Pochettinon pavarësisht viteve të tij të avancuara dhe ka filluar të gjitha ndeshjet e Chelseat në Premier League deri më tani këtë sezon.