Pas formacionit të sezonit nga UEFA në Ligën e Kampionëve, janë publikuar edhe dy emrat e lojtarëve si më i miri dhe si talenti më i mirë.
Shtëpia e futbollit evropian me gjasë ka befasuar shumëkë me formacionin e këtij edicioni, ndërsa mund të pajtoheni për dy emrat e rinj nga kategoria e lartcekur.
Rodri është emëruar si lojtari më i mirë i sezonit, derisa shënoi golin e fitores në finale për Manchester Cityn.Mesfushori defanziv ka bërë 12 paraqitje, ndërsa ka shënuar dy gola, por nuk kishte asnjë asistim.
Talenti më i mirë i këtij sezoni sipas UEFA-s ishte Khvicha Kvaratskhelia i Napolit, me skuadrën e tij që arriti deri në çerekfinale, për t’u eliminuar nga Milani.
Gjeorgjiani zhvilloi nëntë paraqitje, kishte dy gola të shënuar, ndërsa realizoi edhe katër asistime.
