20.8 C
Skopje

Rruga e Kosovës deri te liberalizimi i vizave, cilët hapa i ka përfunduar e cilët janë në radhë?

Kosovarët janë të vetmit në Ballkan që u duhet viza për të udhëtuar në vendet e Bashkimit Evropian. Një rrugë e filluar qe 12 vjet, ende nuk ka përfunduar. Por, cilët hapa i ka kaluar e cilët janë në vijim deri të liberalizimi?

Radio Evropa e Lirë ka publikuar një infografikë, përmes së cilës ka treguar rrugën që i pret kosovarët deri të udhëtimi pa viza.

Në korrik të vitit 2018, Komisioni Evropian rekomandoi liberalizimin e vizave për Kosovën. Një muaj më pas, Komiteti LIBE votoi pro këtij rekomandimi.

Pas votimit të Komitetit LIBE, në shtator të 2018’ës, Parlamenti Evropian konfirmoi mandatin për negociata me Këshillin e BE’së për liberalizimin e vizave.

Një vit më pas, Komiteti LIBE votoi (sërish) për fillimin e negociatave me Këshillin e BE’së, për të vazhduar me hapat e mbetur për liberalizimin e vizave.

Këto janë shkallët që deri tash i ka kaluar në këtë drejtim. Cilët janë hapat tjerë?

Tash duhet që ambasadorët e Bashkimit Evropian të votojnë për liberalizimin e vizave. Pas këtij votimi, do të pësonte mbajtja e takimit trepalësh ndërmjet Komisionit Evropian, Këshillit Evropian dhe Parlamentit Evropian.

Më pas, ambasadorët e BE’së duhet të miratojnë marrëveshjen e arritur nga tri institucionet.

Pastaj, Parlamenti Evropian voton për liberalizim. Pas këtij hapi, Ambasadorët e Bashkimit Evropian votojnë me shumicë të thjeshtë për liberalizimin e vizave.

Më pas Këshilli i Ministrave të BE’së duhet të miratojë me shumicë të thjeshtë liberalizimin.

Pas këtyre votimeve, akti ligjor nënshkruhet nga përfaqësuesit e institucioneve të Bashkimit Evropian: Komisioni Evropian, Këshilli Evropian dhe Parlamenti Evropian.

Vendimi më pas duhet të publikohet në Gazetën Zyrtare, duke përfshirë datën e hyrjes në fuqi dhe më pas liberalizimi hyn në fuqi.

TË FUNDIT

Detajet nga programi milionësh i MCC-së për Kosovën

Bordi Ekzekutiv i Korporatës së Sfidave të Mijëvjeçarit (MCC) ka miratuar Programin Kompakt me Kosovën në vlerë prej mbi 200-milionë dollarësh, kanë konfirmuar Qeveria...

Drejtori i Shoqatës së Mullistëve: Ka grurë nuk duhet të ketë frikë

Drejtori i Shoqatës së Mullistëve, Muhamet Farizi, ka deklaruar se Kosova nuk rrezikon të mbesë pa grurë dhe se qytetarët nuk duhet të kenë...