29.8 C
Skopje

Ka ndërruar jetë gazetari dhe publicisti Rrahim Ganiu

I ndjeri ka lindur në fshatin Matejç të Kumanovës më 10 Mars 1942. Shkollen fillore e kreu në vendlindje Matejc, ndërsa normalen në Shkup, për ku ka udhëtuar gati çdo ditë në këmbë për të ndjekur mesimet. Në Shkup përfundoi edhe fakultetin filozofik. Rrahimi një kohë punoi si profesor në Gjimnazin “Zef Lush Marku”, për t’u punësuar më pas në kanalin radiofonik në shqip të Radiotelevizionit publik, ne fillim te viteve 1970, ku edhe dha kontribut të madh për të konsoliduar mediumin e vetëm elektronik të shqiptarëve në Maqedoni, që degjohej në gjithë botën shqiptare në Ballkan, përmes emisioneve nga lemia e arsimit dhe kulturës.

Përveç detyrës së gazetarit ai ka ushtruar edhe postet e redaktorit dhe te Kryeredaktorit të Radio Shkupit. Pensionohet duke e perbyllur punen e tij aktive profesionale në vitin 2004. Pensionimi nuk ishte edhe fundi i angazhimin të tij krijues. Rahimi iu qas edhe më shumë krijimtarise kryesish letrare, eseistike dhe filozofike. Është shpërblyer edhe me një varg cmimesh për poezi.

Rrahim Ganiu la pas vetes shumë vepra artistike-letrare, romane, përmbledhje poetike dhe studime nga fusha e filozofisë, të cilave iu përkushtua deri në diten e fundit të jetes. Varrimi i të ndjerit u bë sot në Shkup.

TË FUNDIT

ITSHKSH: Shkulja e bredhit të Nënë Terezës, akt barbar!

Nga Instituti i Trashëgimisë Shpirtërore e Kulturore të Shqiptarëve në Shkup sot kanë reaguar për shkuljen e bredhit të Nënës Terezë në sheshin e...

Merko: Dita e pavarësisë së SHBA-së është moment kyç për demokracinë dhe historinë botërore

Kryetari i Komunës së Strugës z. Ramis Merko uron 4 Korrikun, festën e madhe kombëtare të Shteteve të Bashkuara të Amerikës. Dita e pavarësisë së...

Zv/ministri Bushi: Gëzuar 4 Korrikun Amerikë, mike e RMV-së dhe aleate e shqiptarëve

Zëvendësministri i Punëve të Brendshme, Nazim Bushi sot përmes një fraze të presidentit historik të SHBA-ve, John F. Kennedy në faqen e tij zyrtare në facebook...