31.8 C
Skopje

Djegia e kontejnerëve rrezikon zonat urbane, zjarrfikësit apelojnë për kujdes me djegien e mbeturinave

Një thirrje në numrin 193 nxori ekipin emergjent të zjarrfikësve në terren. Alarmi se ka rënë zjarr në qendër të Shkupit mobilizoi ekipin kujdestar për të arritur sa më parë në lokacionin që kërkojnë ndihmë, shkruan Alsat.

Por, në mes të ndërtesave duhet se zjarri ka shpërthyer në kontejnerët nëntokësor të mbeturinave. Deri sa erdhën zjarrfikësit banorët e zonës u përpoqën ta shuajnë zjarrin me mjete rrethanore për të shmangur dëmet e mëdha. Kësaj here ishin me fat. Intervenimi i autoriteteve ishte brenda 10 minutave.

“Pamë tym dhe ishim të parët që intervenuam sepse edhe ne këtu i hedhim mbeturinat. Nga çfarë është ndezur nuk e dimë sepse këtu gjithçka hidhet. Morëm zorrën për ta fikur me ujë, nuk arritëm dhe erdhën zjarrfikësit dhe i ndërmorën masat. Poshtë ka me tonelatë mbeturina, nëse ndizen gjitha do të bëjnë problem të madh”, tha Daniel Arsov, qytetar.

Nga brigadat e zjarrfikësve apelojnë që qytetarët të jenë më të vëmendshëm për të shmangur zjarret me apo pa qëllim të mbeturinave, nga që në vendbanime të dendura rrezikojnë edhe djegien e banesave.

“Intervenuam pas marrjes së informacionit se ka është ndezur një kontejner, sigurisht nga pakujdesia që ka hedhur dikush ndonjë bisht cigareje apo prush të zgarës. Për fat të keq kjo ndodh çdo ditë, kontejnerët në Shkup çdo ditë ndizen. Ekziston rreziku të përhapen flakët, kemi pasur raste nga hidrantët nën tokë ku ka pasur të parkuar edhe automjete dhe nga zjarri janë djegur ato duke shkaktuar dëme të mëdha”, deklaroi Sasho Georgievski, Zjarrfikës.

Vetëm në territorin e kryeqytetit gjatë vitit 2021 ka pasur 1,470 intervenime për shuarje të zjarrit. Nga drejtoria thanë se 10% e këtyre intervenimeve kanë qenë për djegie të kontejnerëve. Sipas tyre, jo çdo herë kalohet me dëme të vogla nga që shpesh janë djegur makina të parkuara rreth kontejnerëve. /Alsat.mk

TË FUNDIT

Nafta nga mesnata më lirë në Maqedoni, ja si do jenë çmimet

Komisioni Rregullator për Energjetik në mbledhjen e sotme ka sjellë vendim që të lirojë për 2.50 denarë çmimin e dizelit, ndërsa nuk ka ndryshim...

Vlora Dumoshi: Djali im për shkak të Qeverisë Kurti 1 nuk do të kthehet më në Kosovë

Ish-ministrja e Kulturës Rinisë dhe Sportit, Vlora Dumoshi, në emisionin ‘Personale’ me Krenare Vokshi-Shala, ka treguar se si djali i saj (Rroni Dumoshi), i...

Vajza e Madonna-s, Lourdes, shfaqet në pistën e modës me kostum të ngushtë në Javën e Modës në Paris

Lourdes Leon, modelja 25-vjeçare, e bija e Madonna-s, eci në pistë gjatë shfaqjes së veshjeve për meshkuj Marine Serre Pranverë Verë 2023 në Javën...

Gashi: Janë bërë shkelje kushtetuese në ligjin për KPK-në

Të mërkurën e 29 qershorit, Këshilli Prokurorial i Kosovës (KPK) ka informuar se ka bërë kërkesë në Institucionin e Avokatit të Popullit për referimin...