31.8 C
Skopje

Rama: Me heqjen e taksës së kufirit do të ketë tjetër ulje të biletave të fluturimeve

TIRANË, 11 shkurt/ATSH/ Kompania WizzAir uli avionët e saj javën e shkuar në aeroportin ndërkombëtar “ZAYED – Flatrat e Veriut”, për të nisur në maj operimin e pandërprerë, me 4 destinacionet e para drejt Austrisë, Gjermanisë dhe Zvicrës, fillimisht nga dy herë në javë.

Kryeministri Edi Rama në një intervistë në media bëri të ditur se Aeroporti i Kukësit krijon premisa për një zhvillim të rëndësishëm ekonomik në të gjithë zonën, ndërsa foli edhe për projektet në këtë sektor.

Kryeministri Edi Rama deklaroi se aeroporti i Vlorës do të jetë më i madh se sa ai i Rinasit, ndërsa sa i përket aeroportit të Kukësit, ai u shpreh se krijon premisa për një zhvillim të rëndësishëm ekonomik në të gjithë zonën.

Lidhur me aeroportin e Sarandës, gjatë një interviste në medie, Rama bëri të ditur se do të jetë sezonal, duke theksuar se jugu i vendi është një ndër destinacionet e rëndësishme të turistëve.

“Areoporti i Kukësit krijon premisa për një zhvillim të rëndësishëm ekonomik në të gjithë zonën. Ndërkohë që Vlora është në kantier. Vlora e ka afatin e vet për 36 muaj. Ne do mundohemi të jetë pak më përpara, në mënyrë që brenda këtij mandati ne të fillojmë operimin. Vlora do jetë baza e Air Albania. Projekt tjetër është Saranda. Aeroporti i Sarandës ka tjetër natyrë, sepse është vetëm sezonal. Vlora do jetë gjatë gjithë vitit dhe do të jetë më i madh dhe se ai i Tiranës se përfshihet edhe kargo. Më i madh dhe si pistë”, tha kryeministri Rama.

Kryeministri Rama shprehu bindjen se turizmi do të jetë një transformues i madh në të gjitha aspektet ekonomike dhe në 2030 Shqipëria do jetë vendi me turizmin më të zhvilluar në Ballkanin Perëndimor.

“Shqipëria sa i përket turizmit po bëhet gjithmonë e më tërheqëse dhe e dyta si rezultat i një politike më liberale që ne ndoqëm në kohë pandemie. Me çmimet e rëna në mënyrë drastike në Aeroportin e Tiranës, vetëm Wizz Air u ka kursyer qytetarëve rreth 120 milionë euro dhe duke llogaritur edhe kompani të tjera bëhen rreth 220 milionë euro kursime nga biletat për shkak të uljes. Me heqjen e taksës së kufirit do të ketë tjetër ulje të biletave. Unë jam i bindur që turizmi do të jetë një transformues i madh në të gjitha aspektet ekonomike dhe në 2030 Shqipëria do jetë vendi me turizmin më të zhvilluar në Ballkanin Perëndimor”, u shpreh Kryeministri Rama.

Pas testimeve të suksesshme kompania WizzAir uli avionët e saj në aeroportin ndërkombëtar të Kukësit “ZAYED – Flatrat e Veriut”, ku do të operojë me 4 destinacionet e para drejt Austrisë, Gjermanisë dhe Zvicrës, fillimisht nga dy herë në javë

TË FUNDIT

Nafta nga mesnata më lirë në Maqedoni, ja si do jenë çmimet

Komisioni Rregullator për Energjetik në mbledhjen e sotme ka sjellë vendim që të lirojë për 2.50 denarë çmimin e dizelit, ndërsa nuk ka ndryshim...

Vlora Dumoshi: Djali im për shkak të Qeverisë Kurti 1 nuk do të kthehet më në Kosovë

Ish-ministrja e Kulturës Rinisë dhe Sportit, Vlora Dumoshi, në emisionin ‘Personale’ me Krenare Vokshi-Shala, ka treguar se si djali i saj (Rroni Dumoshi), i...

Vajza e Madonna-s, Lourdes, shfaqet në pistën e modës me kostum të ngushtë në Javën e Modës në Paris

Lourdes Leon, modelja 25-vjeçare, e bija e Madonna-s, eci në pistë gjatë shfaqjes së veshjeve për meshkuj Marine Serre Pranverë Verë 2023 në Javën...

Gashi: Janë bërë shkelje kushtetuese në ligjin për KPK-në

Të mërkurën e 29 qershorit, Këshilli Prokurorial i Kosovës (KPK) ka informuar se ka bërë kërkesë në Institucionin e Avokatit të Popullit për referimin...