20.8 C
Skopje

Kiril Petkov më 18 janar viziton Maqedoninë e Veriut

Kryeministri bullgar Kiril Petkov njofton se data e vizitës së tij të parë në Maqedoni ndoshta do të jetë 18 janari, përcjell Telegrafi Maqedoni.

Në një intervistë për televizionin “Bloomberg”, siç raporton korrespondenti i AIM-s nga Sofja, Petkov tha se duan të krijojnë një kornizë krejtësisht të ndryshme për bisedimet me Kovaçevskin.

Ai thekson se deri më tani fokusi kryesor ka qenë te debati historik, por mendon se është më e rëndësishme që të gjitha diskutimet të vendosen mbi baza fituese për të gjithë. Prandaj, siç thotë ai, po hapim pesë grupe të reja – për infrastrukturë, ekonomi, shkëmbime kulturore, anëtarësim në BE dhe histori.

Ai thekson se dëshiron që këto grupe të punojnë jashtëzakonisht me efikasitet në gjashtë muajt e ardhshëm dhe të arrijnë rezultate reale.

Petkov gjithashtu tha se nuk e kupton pse duhet të fluturojë përmes Vjenës për të shkuar në Shkup, duke theksuar se duhet të ketë fluturime Sofje-Shkup. Ai shtoi se nuk e kupton pse nuk ka lidhje hekurudhore ndërmjet Sofjes dhe Shkupit./Telegrafi/

TË FUNDIT

Detajet nga programi milionësh i MCC-së për Kosovën

Bordi Ekzekutiv i Korporatës së Sfidave të Mijëvjeçarit (MCC) ka miratuar Programin Kompakt me Kosovën në vlerë prej mbi 200-milionë dollarësh, kanë konfirmuar Qeveria...

Drejtori i Shoqatës së Mullistëve: Ka grurë nuk duhet të ketë frikë

Drejtori i Shoqatës së Mullistëve, Muhamet Farizi, ka deklaruar se Kosova nuk rrezikon të mbesë pa grurë dhe se qytetarët nuk duhet të kenë...