Qyteti i Shkupit zgjodhi sportistët e vitit, asnjë shqiptar pjesë e listët

0
79

Nënkampioni olimpik në taekvondo, Dejan Georgievski është zgjedhur sportisti më i mirë i Qytetit të Shkupit, pasi që fitoi medaljen e argjendtë në Lojërat Olimpike të mbajtura këtë verë në Tokio.

Por në mesin e të përzgjedhurëve në kategoritë e sportistëve senior dhe të rinjve nuk ka asnjë sportist shqiptar.

Ky reagim në INA ka ardhur nga sporist shkupjan që thonë se ka në mesin e tyre që kanë arritur suksese.

“Ju lutem shkruani se çfarë po ndodhë dhe si po diskriminohen sportistët shqiptarë. Kemi sportistë të suksesshëm edhe ne në atletikë, sporte luftarake, futboll me Shkupin,etj”, shkruan një sportist shkupjan që lutet të mbetet anonim.

Në kategorinë e sportistëve më të suksesshëm në kategorinë seniore ishin: mundësi Mogamed Nurov, kikboksierja Viktorija Varadinova, kikboksieri Boban Ilioski, karateistët Petar dhe Simona Zaborski, maratonisti Dario Ivanovski, notarja Aripova Filipona Filipona.

10 sportistët më të suksesshëm në kategorinë e të rinjve: Stefan Stojanovic (karate), Stole Smilkovski (karate), Marija Spirovska (mundje), Meri Akievska (fitnes), Mia Todorovska (kik boks), Kalin Ivanovski (tenis), Mia Blazevska- Eminova (not) ), Antonija Belazelkoska (karate), Mila Mladenovska (karate) Aleksandra Simeva (tenis).

Siç pritej, trajneri më i mirë u shpall Borçe Kostovski nga taekwondo-ja Butel dhe është trajner i Dejan Gergievskit. I huaji më i mirë që luan për ekipin e Shkupit është hendbollisti i Vardarit, Ante Gadza, ndërsa Andrej Stojanovski dhe Stoilko Stoicev janë sportistët më të suksesshëm në kategorinë e personave me aftësi të kufizuara. Sportisti më i ri premtues – kadet lështë tenisti Amar Huseyinoviç.

Kryetarja e Qytetit të Shkupit, Danella Arsovska thotë se i gëzohet sukseseve sportive.

” Në këtë vit që ishte i vështirë për të gjithë ne patëm rastin t’i gëzohemi sukseseve sportive. Sporti më së miri promovohet nga Qyteti i Shkupit dhe Republika e Maqedonisë dhe prandaj duhet të përkrahet në vazhdimësi. Këtë e ka bërë qyteti deri më tani dhe do ta bëjë më intensivisht në të ardhmen. Në emër të Qytetit të Shkupit, në emër të këshilltarëve dhe në emrin tim personal, dua t’ju përgëzoj për suksesin tuaj. Shpresoj se do të na bëni të lumtur edhe për shumë vite – tha Arsovska.(INA)

LEAVE A REPLY

Please enter your comment!
Please enter your name here