Ahmeti për Vecernji: Lufta e UÇK-së ishte e pastër, çlirimtare dhe respektuese e konventave ushtarake

0
126

Kryetari i BDI-së Ali Ahmeti duke folur në një intervistë për të përditshmen kroate Vecernji, ka theksuar se lufta e UÇK-së ishte e pastër dhe e njejta është vërtuar në shumë procese ndërkombëtare.

“Lufta e UÇK-së ishte e pastër, çlirimtare dhe respektuese e konventave ushtarake dhe kjo është vërtetuar në disa gjykime ndërkombëtare deri më tani. Unë kam bashkëpunuar plotësisht me institucionet e drejtësisë ndërkombëtare në interes të së vërtetës dhe pres që e vërteta të dalë në shesh. Ngjarjet në Kosovë mbi 20 vjet janë përcjellë nga afër nga të gjitha institucionet dhe tashmë ka pasur disa procese gjyqësore që kanë të bëjnë me luftën çlirimtare të Kosovës. Thaçi, Veseli, Jakupi dhe Selimi kanë treguar përgjegjësi të madhe individuale dhe respekt për sundimin e ligjit dhe besoj se pafajësia e tyre në këtë proces do të dëshmohet në një proces transparent, ka theksuar kështu kryetari i BDI-së Ahmeti.”

I pyetur se herë pas here hapet tema e krijimit të Shqipërisë së Madhe dhe a beson se mund të ketë ndonjëherë një Shqipëri të Madhe ku të gjithë shqiptarët do të jetonin në një shtet, Ahmeti ka shtuar se tashmë flitet për një standard më të mirë jetësor, nga Stokhomi në Athinë.

“Po flasim për Europën pa kufij, nga Stokholmi në Athinë pa kufij, po flasim për Europën në shtëpi, po flasim për lëvizje të lirë të qytetarëve, një standard më të mirë jetese, shëndet më të mirë, arsim… etj. Besoj se me integrimin e të gjithë rajonit të Ballkanit Perëndimor në familjen europiane, rrallë do të përballemi me dilema të tilla në të ardhmen. Në një Europë të madhe dhe të bashkuar, ne të gjithë do të jemi të mëdhenj, ka theksuar kështu Ahmeti.”

LEAVE A REPLY

Please enter your comment!
Please enter your name here