18.8 C
Skopje

Kasami e pranon detyrën e kryetarit të Tetovës

Sot në Komunën e Tetovës është bërë pranim-dorëzimi i detyrës së kryetarit të komunës, për përfundimit të zgjedhjeve lokale.

Në këtë ceremoni, të pranishëm kanë qenë ish-kryetarja Teuta Arifi, si dhe kryetari i ri i Komunës së Tetovës, Bilall Kasami.Pas pranimit të detyrës, Bilall Kasami, tha se është i vetëdijshëm se e pret punë e madhe. Ai gjithashtu tha se do të angazhojë specialistë për revizion të plotë të komunës.

“Që nga ky moment do të fillojë sanimi i situatës aktuale të komunës. Do të angazhojmë specialistë për revizion të plotë të komunës. Qytetarët duhet ta dijnë se si ka punuar komuna e tyre. Administratorët të cilët e bëjnë angazhimin e tyre me nder, do të marrin atë që e meritojnë, kurse ata që kanë marrë rroga pa punuar fare, i ftoj të tërhiqen vet”, tha mes tjerash Kasami.

Kurse Teuta Arifi, pasi e dorëzoi mandatin, i uroj sukses udhëheqësisë së re të komunës, si dhe i falënderoi për përkrahjen qytetarët dhe kabinetin e saj.Ndryshe, Kasami u zgjodh kryetar i Tetovës në raundin e dytë të zgjedhjeve lokale, me dallim prej 5 mijë votave më shumë se Arifi.

TË FUNDIT

Detajet nga programi milionësh i MCC-së për Kosovën

Bordi Ekzekutiv i Korporatës së Sfidave të Mijëvjeçarit (MCC) ka miratuar Programin Kompakt me Kosovën në vlerë prej mbi 200-milionë dollarësh, kanë konfirmuar Qeveria...

Drejtori i Shoqatës së Mullistëve: Ka grurë nuk duhet të ketë frikë

Drejtori i Shoqatës së Mullistëve, Muhamet Farizi, ka deklaruar se Kosova nuk rrezikon të mbesë pa grurë dhe se qytetarët nuk duhet të kenë...