Ahmeti në Forinë: Të mos vendosë VMRO-DPMNE se kush do fitojë në Gostivar

0
74

Në kaudër të fushatës parazgjedhore, BDI sonte ka qendruar në fshatin Forinë ku ka shpalosur programin e tyre. I pranishëm në takim ishte lideri i BDI, Ali Ahmeti, zv.kryeministri i parë, Artan Grubi, kryeparlamentari Talat Xhaferi si dhe deputetet e zonës, Vjollca Latifi Ademi dhe Arta Bilalli Zendeli.

Ne, tha Ahmeti, duhet të jemi unik dhe nuk duhet lejuar VMRO-DPMNE të vendos se kush do fitojë në Gostivar.

“Këto takime i bëjë për dy qëllime. E para pasi nuk jemi takuar për shkak të koronës. Dua të dëgjohem me ata që nuk janë të BDI-së, pasi ne si BDI kemi punuar, kemi Universitete, gjuhë, jemi faqebardhë. Ka edhe shumë punë dhe ne kemi investuar në përgatitjen e kuadrove dhe specialistëve. Shqiptarët e dinë se çka mendoj për shumë parti, dhe vazhdoj ta them se nuk na duhen më shumë se dy”, tha Ahmeti.

Dua të ju flas edhe si BDI, tha ai, nuk na kanë mundur 20 vite. I kam lutur të bëhen bashkë, por nuk u bën, nuk arritën.

“Tash sërish ne kemi fituar mbi 50 përqind të votave te shqiptarët. Ky është edhe një moment të bëhemi në dy blloqe që mos vendose VMRO-DPMNE se kush do fitojë në Gostivar. Jemi Komb me dinjitet. Si shqiptarë duhet të jemi unik pasi akoma ka paragjykime. Kompromos unë me çështjen shqiptare në Maqedoni unë nuk bëj. Ne jemi fitues absolut, po ti përkthejm në mandate deputetësh, do kishim 19 deputetë. Ne duhet të bashkohemi pasi bëhemi ët rëndësishëm për vendorët dhe ndërkombëtarët. Po ti kem kominat unike, pasi e tërë agjenda lidhet me komunat, do të jetë shumë më ndryshe”, deklaroi mes tjerash lideri i BDI, Ali Ahmeti.

LEAVE A REPLY

Please enter your comment!
Please enter your name here