14.8 C
Skopje

Mega skandal / Policia financiare të ndërhy te tenderat 9 milion euro të Taravarit

Një skandal i madh po trondit komunën e Gostivarit me në krye Arben Taravarin. Tendera korruptive me vlerë 9 milion euro të gjitha të lidhura me një firmë nga Tetova, kanë thelluar dyshimet se bëhet fjalë për tendera të kurdisura dhe korruptive, tregon hulumtimi i bërë nga informacione me karakter publik nga Ministria e Financave dhe Byroja për Furnizime Publike, shkruan tokasot.com

Jo zyrtarisht, Policia Financiare ka filluar hetimet mbi tenderat që peshojnë 9 milion euro me nënshkrim të Taravarit.

Bëhet fjalë për Shoqërinë për Ndërtim dhe Tregëti Akua Inzheniering Age Dooel eksport import nga Tetova, e cila vetëm brenda muajt gushtë ka lidhur dy kontrata me komunën e Gostivarit me vlerë 282.000.000.00 denarë.

Me 24 gusht – 2021 komuna e Gostivarit ka lidhur kontratë me vlerë 141.600.000.00 denarë.
Po ashtu dhe 3 gusht – 2021 komuna e Gostivarit ka lidhur kontratë me vlerë 141.600.000.00 denarë me po të njejtën firmë.

Kompania e njejtë ka lidhur tre kontrata edhe me Ndërmarrjen Publike Komunale “Komunalec”, nga Gostivari me vlerë 21.240.000.00 denarë.
Me 25 dhjetor 2019 NP Komunalec ka lidhur kontratë me vlerë 11.800.000.00 denarë.

Ndërkohë me datë 6 tetor 2021 NP Komunalec ka lidhur kontratë me vlerë 2.360.000.00 denarë, me po të njëjtën ndërmarrje.
Me datë 3 tetor 2021, NP Komunalec ka lidhur kontratë me këtë ndërmarrje me vlerë 7.080.000.00 denarë.

Nga dokumente të tjera të siguruara nga redaksia jonë, shihet që që komuna e Gostivarit ka lidhur kontrata me vlerë 8.873.917 euro me Shoqërinë për Ndërtim dhe Tregëti Akua Inzheniering Age Dooel eksport import nga Tetova.

Po ashtu, Ndërmarrja Publike Komunale “Komunalec”, ka lidhur kontrata me vlerë 306.992 euro, dhe në total dy institucionet që drejtohen nga Arben Taravari kanë lidhur kontrata me vlerë prej 9.180.909 euro.

Edhe pse konktratat e lidhura kanë pasur më pak vlerë, vlerat e paguara janë shumë më të mëdha, pasi është shfrytëzuar ligji për lidhje të Marrëveshje kornizë. Të gjitha pagesat janë kryer në emër të ndërtimit të rrugëve, kanalizimeve dhe ujësjellësve. Disa ka kontratat e NP Komunalec janë lidhur për marrje me qira të maqinave dhe për blerje asfalti.

Ajo që bie në sy është fakti që për në emër të ndërtimit të rrugëve, kanalizimeve dhe ujësjellësve kontrata me të njëjtën firmë dhe për të njejtin qëllim kanë lidhur edhe komuna e Gostivarit edhe Ndërmarrja Publike Komunale “Komunalec”, nga Gostivari. Që i bie se rrugë, kanalizime dhe ujësjellësa kanë ndërtuar edhe komuna edhe ndërmarrja.

Nisur nga dyshimet për kontrata korruptive, Policia Financiare dhe Prokuroria pritet të nisin hetimet për të zbuluar keqpërdorimet.

Jo zyrtarisht, 9 milion euro nga buxheti i Gostivarit janë keqpërdorur për financimin e subjektit politik të Arben Taravarit dhe Ziadin Selës.

TË FUNDIT

ALI AHMETI : Kombi sot duhet, nderohet dhe bashkohet me vepra

Kryetari i Bashkimit Demokratik për Integrim Ali Ahmeti ka uruar popullin shqiptar me rastin e ditës së flamurit. Ahmeti mes tjerash ka shkruar;109 vjetori i...

Ky është mesazhi i Grubit për 109 vjetorin e pavarësisë

Zëvendëskryeministri i parë dhe ministër për Sistem politik dhe marrëdhënie ndërmjet bashkësive, Artan Grubi përmes një ostimi në faqen e tij zyrtare në facebook...

Rexhepi: Kjo ditë e madhe e kombit tonë, sot e përjetë i bashkon të gjithë shqiptarët kudo që janë

Deputeti Kastriot Rexhepi ka uruar festën e 28 nëntorit, duke shkruar se kjo ditë i bashkon të gjithë shqiptarët kudo që janë. Urimi i deputetit...

Mesazh i fuqishëm i Abdulselam Selamit në Ditën e Flamurit: Dita e Flamurit me betimin për përgjegjësi më të lartë shoqërore!

Zëvendës drejtori i drejtorisë për të ardhura publike Abdulselam Selami vjen me një mesazh të fuqishëm për ditën e flamurit. Më poshtë mund të lexoni...

BERZH: Termocentrali i parë diellor në Oslomej, do të reduktohen ndjeshëm emetimet e CO2

BERZH sot ka njoftuat për investimin e ri në Oslomej, përkatesisht ndërtimin e termocentralit diellor. Krenarë që po investohet në inovacionin e gjelbër në Maqedoninë...