Ganiu: Xhamia në Fushë Tophanë po merr pamjen e mrekullueshme

0
149

Kryetari i komunës së Çairit, Visar Ganiu ka qenë sot prezent tek Xhamia e re në Fushë Tophanë dhe ka inspektuar punimet se si po vijojnë. Ganiu është shprehur se kjo xhami po merr pamjen e mrekullueshme.

“Punimet për ndërtimin e Xhamisë së re në lagjen Fushë Tophanë po vazhdojnë me intensitetin më të madh. Dhe kjo Xhami tanimë po merr një pamje të mrekullueshme”, ka thënë kryetari Ganiu.

“Sot edhe personalisht isha në terren për të parë se si po zhvillohen punimet për ndërtimin e kësaj Xhamie, realizimin e të cilave punime po i kryen Kompania e ndërtimit Begi Construction, Shkup. Me këtë rast edhe punëtorëve u urova punë të mbarë dhe bashkë me ta i pamë nga afër të gjitha pjesët e Xhamisë që janë ndërtuar deri më tani dhe më sqaruan se do të vazhdojnë me një dinamikë të përshpejtuar të punës”, është shprehu Ganiu në Facebook.

Xhamia në Lagjen Fushë Tophanë është më e madhja në vend dhe njëherit do të ndërtohet në formën e një Kompleksi islam, ku do të ketë edhe Qendër Kulturore.

LEAVE A REPLY

Please enter your comment!
Please enter your name here