20.8 C
Skopje

Republika e Maqedonisë së Veriut dhe Republika e Filipineve vendosën marrëdhënie diplomatike

Ministri i Punëve të Jashtme i Republikës së Maqedonisë së Veriut, Bujar Osmani dhe homologu i tij nga Republika e Filipineve, Teodoro L. Loksin, nënshkruan një Komunikatë të Përbashkët për vendosjen e marrëdhënieve diplomatike midis dy vendeve.

“Hapi i këtillë i konfirmon angazhimet e Republikës së Maqedonisë së Veriut për ndërtimin e marrëdhënieve miqësore dhe krijimin e partneriteteve me vendet gjeografikisht të largëta. Hapja e një kapitulli të ri në marrëdhëniet bilaterale midis dy vendeve ofron mundësi shtesë për promovimin e lidhjeve ekonomike dhe tregtare, si dhe përforcimin e bashkëpunimit të suksesshëm të deritanishëm në nivel multi-lateral” – theksoi ministri Osmani.

Akti i zyrtarizimit të miqësisë midis Republikës së Maqedonisë së Veriut dhe Republikës së Filipineve, i cili u realizua në sesionin e 76 -të të Asamblesë së Përgjithshme të OKB -së në Nju Jork, është një bazë solide për avancimin e dialogut në të gjitha nivelet, si dhe për ndërtimin e kornizës kontraktuale dhe zhvillimin e bashkëpunimit në një sërë fushash si: kultura, arsimi, shëndetësia dhe turizmi.

Republika e Filipineve është vendi i 181 -të me të cilin Republika e Maqedonisë së Veriut ka vendosur marrëdhënie diplomatike.

TË FUNDIT

Detajet nga programi milionësh i MCC-së për Kosovën

Bordi Ekzekutiv i Korporatës së Sfidave të Mijëvjeçarit (MCC) ka miratuar Programin Kompakt me Kosovën në vlerë prej mbi 200-milionë dollarësh, kanë konfirmuar Qeveria...

Drejtori i Shoqatës së Mullistëve: Ka grurë nuk duhet të ketë frikë

Drejtori i Shoqatës së Mullistëve, Muhamet Farizi, ka deklaruar se Kosova nuk rrezikon të mbesë pa grurë dhe se qytetarët nuk duhet të kenë...

Ganiu: UNT-ja është tempulli i vërtetë i diturisë

Universiteti “Nënë Tereza” është tempulli i vërtetë i diturisë. E studentët e këtij Universiteti janë e ardhmja jonë e ndritur, janë progresi jonë, janë...