29.8 C
Skopje

Koeman: Messi ishte tiran në Barcelonë

Ronald Koeman ka thënë se Lionel Messi ishte si një tiran gjatë stërvitjeve në Barcelonë.

Superylli argjentinas i rriti standardin në Camp Nou duke u zhvilluar për t’u bërë njëri prej futbollistëve më të mirë në historinë e kësaj loje, para se të largohej për t’iu bashkuar Paris Saint-Germainit këtë vit, raporton Gazeta Express.

Trajneri i Barçës Koeman ka treguar hollësi nga puna e Messit në ushtrime me ekipin, duke thënë se ai zemërohej shumë nëse nuk i fitonte ndeshjet stërvitore.

“Messi ishte aq i mirë dhe fitoi. Natyrisht se ai kishte lojtarë të mirë përreth vetes, por ai e bënte dallimin. Të gjithë duken më të mirë sesa që janë falë tij. E dija sa i mirë ishte, por ta shihja nga afër ishte edhe më mirë”, tha Koeman për Voetbal International.

“Kur ushtronim goditje në portë në stërvitje, ndodhte që lojtarët nganjëherë ta godisnin topin lehtësisht dhe të llastoheshin. Por me Messin çdo gjë ishte: bum, bum, bum, bum. Ai gjithmonë donte të fitonte çdo gjë”, tregoi ai.

Koeman shtoi: “Messi më tregoi që kishte humbur një herë në lojën rondo gjatë gjithë atyre viteve në Barcelonë. Me të, lojtarët e vjetër nuk e humbën asnjë ushtrim kundër të rinjve. Ndodhi një herë dhe Messi ishte mllefosur seriozisht për javë të tëra. Vërtet një tiran”.

TË FUNDIT

Kurti vizitoi bujqit e Kosovës

Kryeministri i Kosovës, Albin Kurti, nëpërmjet një postimi në faqen e tij në Facebook, ka komentuar për kohën e të korrave në Kosovë. Kurti u...

Aksident i rëndë në Strumicë, lëndohen 13 persona, në mesin e tyre edhe një fëmijë gjashtë vjeçar

Trembëdhjetë persona janë lënduar nga përplasja e dy automjeteve të pasagjerëve me targa të Strumicës, e cila ka ndodhur dje pasdite në ora 16:20...

Në V.K. “Tabanoc” dhe “Bogorodicë” pritet deri në 30 minuta

Për shkak të frekuencës së shtuar të automjeteve, koha e pritjes për hyrje në vend prej VK “Tabanocë” për hyrje është rreth 20-30 minuta,...

Digjet një shtëpi në Pejë, pamje nga vendi i ngjarjes

Një shtëpi është përfshirë nga zjarri mëngjesin e së dielës në qytetin e Pejës. Nuk dihet ende për numrin e të lënduarve apo shkaktarin e...